ԵՄ-ն Սիրիայի 17 նախարարների անուններ է ներառել պատժամիջոցային ցուցակում
Եվրամիության խորհուրդը ևս 17 սիրիացի նախարարի և Սիրիայի ԿԲ-ի ղեկավարի անունները ներառել է իր պատժամիջոցային ցուցակում, ասվում է եվրոպական գերատեսչության կայքում։
Նշվում է, որ պաշտոնյաները ներառված են նրանց ցուցակում, որոնք ենթարկվում են ԵՄ սահմանափակիչ միջոցառումներին՝ ընդդեմ սիրիական ռեժիմի։
Պատժամիջոցները սահմանված են նրանց նկատմամբ, ովքեր պատասխանատու են Սիրիայի քաղաքացիական բնակչության նկատմամբ բռնաճնշումների մեջ, ով ստանում է շահույթ կամ օգնում է Սիրիայի նախագահ Բաշար Ասադի ռեժիմին։
Այդկերպ, պատժամիջոցային ցուցակում ներառվածների թիվը հասել է 234 մարդու։ Ցուցակում ներառվել են Սիրիայի տրանսպորտի, մշակույթի, ֆինանսների նախարարների անունները։
