Բուլղարիայի վարչապետը հրաժարական է ներկայացրել
Բուլղարիայի վարչապետ Բոյկո Բորիսովը պաշտոնապես հրաժարական է ներկայացրել՝ կապված նախագահական ընտրություններում իր կուսակցության պարտության հետ, գրում է Reuters-ը։
Իր հրաժարականի մասին Բորիսովը նախօրեին էր հայտարարել։
Բորիսովը հայտարարել է նաև կառավարության հրաժարականի մասին այն բանից հետո, երբ երկրում կայացած նախագահական ընտրությունների հետևանքով պարտություն կրեց Բուլղարիայի ներկայիս խորհրդարանի խոսնակ Ցեցկա Ցաչևան, որին աջակցում էին իշխող «Քաղաքացիներ հանուն Բուլղարիայի եվրոպական զարգացման» կուսակցությունն ու կոալիցիայի գործընկերները։
Նրա օգտին քվեարկել էր ընտրողների 36.17 տոկոսը։
Երկրի նախագահական ընտրություններում հաղթանակել էր Բուլղարիայի Սոցիալիստական կուսակցության թեկնածու, ռազմաօդային ուժերի նախկին հրամանատար Ռումեն Ռադևը։
