Կիևի կենտրոնական փողոցը կփակվի ահաբեկչական սպառնալիքի պատճառով
Կիևում ահաբեկչական սպառնալիքի բարձր մակարդակի պատճառով պլանավորվում է փակել Կրեշչատիկ կենտրոնական փողոցը։ Այս մասին «112 Ուկրաինա» հեռուստաալիքի եթերում հայտարարել է Ուկրաինայի Ազգային ոստիկանության Կիևի վարչության ղեկավար Անդրեյ Կրիշչենկոն։
«Մենք պատերազմող պետություն ենք, բավական մեծ մակարդակ է կազմում ահաբեկչական սպառնալիքը։ Կանխատեսվում է մարդկանց մեծ կուտակում, մենք կանցկացնենք միջոցառում, որ ոչինչ տեղի չունենա և ոչ ոք չտուժի։ Մասնավորապես փակվելու է Կրեշչատիկ փողոցը, գործի կդրվեն մետաղորսիչներ։ Կինոլոգիական ծառայությունը կուսումնասիրի զանգվածային միջոցառումների վայրերը»,- հայտարարել է նա։
Փողոցը նախատեսվում է փակել նոյեմբերի 15-ի առավոտյան։
