«Ես չեմ կարող այնպիսի ավագ լինել, ինչպիսին Թերրին էր». Էդեն Ազար
«Չելսիի» և Բելգիայի ազգային հավաքականի կիսապաշտպան Էդեն Ազարը խոստովանել է, որ չունի առաջնորդի որակներ:
«Ես հաճույք եմ ստանում ավագ լինելուց: Փորձում եմ առաջնորդ լինել դաշտում, բայց սա ինձ համար նոր բան է: Ցանկանում եմ Բելգիայի հավաքականի հետ մասնակցել Աշխարհի առաջնությանը և ինչ-որ բան նվաճել ազգային թիմի հետ, բայց պետք չէ ժամանակից առաջ անցնել:
Չգիտեմ, արդյո՞ք մի օր կլինեմ «Չելսիի» ավագը: Կտեսնենք: Ջոն Թիերին շարունակում է մնալ իր դիրքերում: Ես չեմ ուզում գրավել նրա տեղը և ես չեմ կարող նրա նման ավագ լինել, կամ թեկուզ մի փոքր նրան նման լինել: Ես թիմի հետ չեմ խոսում՝ որպես ավագ: Իմ աշխատանքը դաշտում նրանց հետ ոտքերով շփվելն է»,- Ազարի խոսքերն է մեջբերում Sky Sports-ը:
Պատրաստեց Անի Գաբուզյանը
