ՀԱԿ-ը քննարկել է առաջիկա համագումարի կազմակերպմանը վերաբերող հարցեր
Հայ Ազգային Կոնգրեսի վարչության և հանրապետական խորհրդի նիստում, որը տեղի է ունեցել նոյեմբերի 12-ին, քննարկվել են առաջիկա համագումարի հետ կապված կազմակերպական հարցեր: Այդ մասին տեղեկացրին ՀԱԿ լրատվական ծառայությունօց:
Վարչությունը քննարկել և հավանության է արժանացրել Հայ Ազգային Կոնգրեսի ընտրովի մարմինների (նախագահի, վարչության, տարածքային խորհուրդների, վերահսկիչ հանձնաժողովի) ընտրության կարգի մասին նախագիծը և այն ներկայացրել է Հանրապետական խորհրդի հաստատմանը: Հանրապետական խորհուրդն իր նիստում հաստատել է վարչության կողմից ընդունված և Հանրապետական խորհուրդին ներկայացված Հայ Ազգային Կոնգրեսի ընտրովի մարմինների ընտրության կարգը:
