Սիրիական զորքերը մարտի են բռնվել Հալեպի արևմուտքում գրոհայինների վերջին հենակետի համար
Սիրիական կառավարական զորքերը նոյեմբերի 12-ի առավոտյան կրակ են բացել Հալեպի արևմտյան հատվածում գտնվող Ռաշիդին թաղմասում առկա գրոհայինների ուղղությամբ: Այնտեղ է Հալեպի արեւմտյան հատվածում ահաբեկչական խմբավորումների վերջին հենակետը: Այս մասին հաղորդում է «ՌԻԱ Նովոստի»-ն:
Ինչպես ավելի վաղ հաղորդվում էր, նոյեմբերի 9-ի գիշերը սիրիական բանակը վերադարձրել է վերահսկողությունը Ալ-Ասադ թաղամասի նկատմամբ, որը դեռ հոկտեմբերին ահաբեկիչների կողմից վերցվել էր: Իրականացված գործողությունների արդյունքում ահաբեկիչները դուրս են շպրտվել մոտակայքում գտնվող Մինյան գյուղից:
Արաբական լրատվամիջոցների փոխանցմամբ՝ Ռաշիդան թաղամասում տեղի են ունենում կատաղի մարտեր կառավարական ուժերի և «Ջեյշ ալ Ֆաթհ» ահաբեկչական խմբավորման միջև: Հենց այդ թաղամասում են գտնվում այս ահաբեկչական խմբավորման պահեստները:
