Ռոնալդուն Goal-ի վարկածով ճանաչվեց 2016թ. լավագույն ֆուտբոլիստ
«Ռեալի» հարձակվող Կրիշտիանու Ռոնալդուն Goal ինտերնետ պարբերականի վարկածով ճանաչվեց 2016թ. լավագույն ֆուտբոլիստ: 31-ամյա պորտուգալացին 50 լավագույն ֆուտբոլիստների ցուցակում առաջ անցավ «Բարսելոնայի» հարձակվող Լիոնել Մեսսիից, ով գրավեց 4-րդ տեղը: 2008թ. մրցանակի ստեղծման պահից առաջին անգամ արգենտինացին դուրս մնաց լավագույն եռյակից: Ռոնալդուն «Goal 50» մրցանակը ստացավ 4-րդ անգամ կարիերայում:
2-րդ տեղը գրավեց Մեսսիի ակումբակից Լուիս Սուարեսը, իսկ 3-րդը դարձավ «Ատլետիկոյի» հարձակվող Անտուան Գրիզմանը: 5-րդ տեղը գրավեց «Ռեալի» կիսապաշտպան Գարեթ Բեյլը:
Պատրաստեց Անի Գաբուզյանը
