ՀՀ առևտրային բանկերի շահույթը՝ տարվա երրորդ եռամսյակում
ՀՀ թվով 19 առևտրային բանկերի ընդհանուր շահույթը 2016 թվականի երրորդ եռամսյակի ընթացքում կազմել է 4 մլրդ 912.3 մլն դրամ: Այս մասին տեղեկանում ենք ՀՀ բանկերի՝ 2016 թվականի երրորդ եռամսյակի միջանկյալ ֆինանսական հաշվետվություններից (տվյալներն ապահովել է B4B PRO համակարգը)։
2015 թվականի համեմատ՝ շահույթի մեծությունը նվազել է 5.2 մլրդ դրամով կամ 51.7%-ով։
Բանկերի մեծ մասը երրորդ եռամսյակում շահույթ են ունեցել, երեքը աշխատել են վնասով։
Ամենամեծ շահույթը հուլիս-սեպտեմբեր ժամանակահատվածում գրանցել է Արցախբանկը՝ 1 մլրդ 785.4 մլն դրամ, երկրորդ տեղում Ինեկոբանկն է՝ շուրջ 1.4 մլրդ դրամ, երրորդում՝ Ամերիաբանկը՝ 1 մլրդ 361.9 մլն դրամ։
