Իբրահիմովիչը Մինո Ռայոլայի միջոցով խորհուրդ է տվել «Յուվենթուսին» և ՊՍԺ-ին՝ ձեռք բերել նոր Զլատանին
«Մանչեսթեր Յունայթեդի» մասին չի էլ մտածել:
ԱԻԿ-ի 17-ամյա հարձակվող Ալեքսանդր Իսակին արդեն անվանել են նոր Իբրահիմովիչ: Զլատանն ինքը համաձայն է մեծամասնության կարծիքի հետ. «Ես տեսել եմ նրան գործողության մեջ: Նա հոյակապ է»:
Ինչպես հայտնի է դարձել Tuttosport-ին, Զլատան Իբրահիմովիչն իր գործակալ Մինո Ռայոլայի միջոցով կապվել է «Յուվենթուսի» և ՊՍԺ-ի հետ և իր նախկին ակումբներին խորհուրդ է տվել հետևել Իսակին:
Աֆրիկյան ծագմամբ շվեդ ֆուտբոլիստի նկատմամբ հետաքրքրություն են ցուցաբերում նաև «Բարսելոնան», «Ռեալը», «Բավարիան», «Լիվերպուլը» և «Լեսթերը»: Այդ մասին հաղորդում է The Sun-ը:
Իսակը 17 տարեկանում արդեն խաղում է Շվեդիայի մինչև 21 տարեկանների հավաքականում:
Շվեդիայի 2016թ. մրցաշրջանի առաջնությունում Ալեքսանդրն անցկացրել է 18 խաղ և խփել է 6 գնդակ:
Պատրաստեց Անի Գաբուզյանը
