Գերհարդ Շրյոդերը գլխավորել է Nord Stream 2 ընկերության տնօրենների խորհուրդը
Գերմանիայի նախկին կանցլեր Գերհարդ Շրյոդերը գլխավորել է Nord Stream 2 ընկերության՝ «Հյուսիսային հոսք-2» գազամուղի նախագծի օպերատորի տնօրենների խորհուրդը: Այդ մասին հոկտեմբերի 5-ին հայտնել է Tagesspiegel գերմանական հրատարակությունը՝ հղում անելով ընկերության աղբյուրին:
Ինչպես նշում է հրատարակությունը, ընկերությունում այդ տեղեկատվությունը հաստատել են:
Ավելի վաղ Շրյոդերը գլխավորում Էր Ռուսաստանից Գերմանիա գազի մատակարարման խողովակաշարի առաջին հերթի շինարարության կոնսորցիումը, խողովակաշար, որը ձգվում է Բալթիկ ծովի հատակով՝ տարանցիկ երկրների շրջանցմամբ, հաղորդել է ՏԱՍՍ-ը:
