Նռան դիմակ անցանկալի բծերի և կնճիռների դեմ

Ցանկանո՞ւմ եք ազատվել աչքերի պարկիկներից, սև հետքերից և մանր կնճիռներից. fithacker կայքի առաջարկած բաղադրատոմսը ձեզ համար է: Այս դիմակը ոչ միայն նվազեցնում է պարկիկները, այլև՝ վերացնում է կնճիռները, տարիքային բծերն ու պիգմենտները: Մաշկը խորապես մաքրվում է և խոնավանում:

Բաղադրություն

• Նռան հյութ
• Կիտրոնի հյութ
• Կաթնաշոռ
• Անյուղ կաթ
• Լոլիկի հյութ

Պատրաստման եղանակը

Նուռը կերեք, այն հարուստ է հակաօքսիդանտներով և դանդաղեցնում է ծերացման գործընթացը: Նռան կեղևը մի կողմ մի նետեք: Այն չորացրեք արևի տակ, երբ ամբողջովին չորանա, մանրացրեք, որպեսզի փոշի ստանաք:

3 կաթիլ կիտրոնի հյութը խառնեք 1 ճ/գ կաթնաշոռով, 1 ճ/գ թարմ լոլիկի հյութով և 2 ճ/գ անյուղ կաթով:

Բոլոր բաղադրիչները լավ խառնեք, ավելացրեք 1 թ/գ մեղր, ապա՝ նռան փոշի:

Ստացված խառնուրդը քսեք դեմքին և թողեք մնա 15 րոպե: Վերջում դեմքը լվացեք սառը ջրով:

Նյութը հրապարակման պատրաստեց Լիլիթ Հարությունյանը