Ռուսները վիրավոր ընկերոջը լքել են լեռներում, որպեսզի հասցնեն ինքնաթիռի թռիչքին
Ռուսաստանում մոսկվացի զբոսաշրջիկները լքել են վնասվածք ստացած ընկերոջը լեռներում, որպեսզի հասցնեն ժամանակին ինքնաթիռ նստել: Այս մասին հայտնում է TASS-ը` հղում կատարելով ՌԴ ԱԻՆ-ի մամուլի ծառայությանը:
Դեպքը տեղի է ունեցել Կրասնոյարսկի երկրամասի «Երգակի» բնական պարկում: Զբոսաշրջիկները տուն են վերադարձել` ոչ ոքի չհայտնելով տեղի ունեցածի մասին: Տղամարդուն մոտակա զբոսաշրջային բազա են օգնել հասնել փրկարարները:
Պարզվել է, որ արշավի ժամանակ 30-ամյա տղամարդը լրջորեն վնասել է ոտքի մկաններն ու չի կարողացել ինքնուրույն տեղաշարժվել լեռնային տեղանքում: Նրա 4 ընկերները որոշել են չզոհաբերել ավիատոմսերը` տուժածին թողնելով բախտի քմահաճույքին:
