Հայաստանում ստեղծվում է նախագծերի հրապարակման միասնական առցանց հարթակ
Հայաստանում կստեղծվի պետական կառավարման մարմինների կողմից մշակվող նորմատիվ իրավական ակտերի նախագծերի հրապարակման միասնական առցանց հարթակ: Այդ մասին որոշման նախագիծն ընդգրկված է կառավարության օգոստոսի 31-ի նիստի օրակարգում:
Ակնկալվում է, որ հարթակի ստեղծումը կապահովի իրավական ակտերի նախագծեր մշակող գերատեսչությունների կողմից դրանք հանրությանը ներկայացնելու կարգավորված գործընթաց՝ առցանց հանրային քննարկումների եղանակով ապահովելով նաև հանրության մասնակցությունը իրականացվող աշխատանքներին: Միաժամանակ, համակարգի ներդրման աշխատանքները նախատեսվում է ֆինանսավորել դոնոր կազմակերպությունների միջոցով:
Տվյալ համակարգի ներդրումը նախատեսված է ՀՀ կառավարության 2014 թվականի հուլիսի 31-ի թիվ 32 արձանագրային որոշմամբ հավանության արժանացած՝ «Բաց կառավարման գործընկերություն» նախաձեռնության շրջանակներում ՀՀ երկրորդ գործողությունների ծրագրի 2-րդ բաժնի 8-րդ կետից՝ «Պետական կառավարման մարմինների օրինաստեղծ գործունեության մասին հանրության իրազեկում»:
Նախագիծը մշակվել է ՀՀ արդարադատության նախարարության կողմից:
