Ռունին կշարունակի կրել Անգլիայի հավաքականի ավագի թևկապը
Անգլիայի հավաքականի գլխավոր մարզիչ Սեմ Էլարդայսը հաստատել է, որ հարձակվող Ուեյն Ռունին կմնա ազգային թիմի ավագը: 30-ամյա ֆուտբոլիստը ստացել է թևկապը 2014 թվականին, իսկ մինչ այդ Առյուծների ավագն էր կիսապաշտպան Սթիվեն Ջերարդը:
«Ուեյնը գերազանց ավագ է եղել Անգլիայի հավաքականի համար: Նա հոյակապ կատարում է այդ դերը, դրա համար էլ որոշումն ինձ հեշտ տրվեց: Ուեյնի ռեկորդները խոսում են իրենք իրենց մասին: Նա թիմի ամենափորձառու անդամն է, և խաղընկերները շատ են հարգում նրան»,- Էլարդայսի խոսքերն է մեջբերում FA-ի պաշտոնական կայքը:
Պատրաստեց Անի Գաբուզյանը
