Ֆինանսիստ Արմեն Փափազյանը՝ Finance for the Future մրցանակի հավակնորդների թվում
Մեր հայրենակից դրամագետ, ֆինանսական խորհդատու Արմեն Փափազյանը հեղինակավոր Finance for the Future մրցանակի հավակնորդների թվում է՝ նորարարական գաղափար (Innovative New Idea) անվանակարգում։
Արմեն Փափազյանը Միացյալ Թագավորությունում գործող Finoptek ստարտափի հիմնադիրն ու տնօրենն է։ Ինչպես նշվում է մրցանակաբաշխության կազմկոմիտեի տարածած հաղորդագրության մեջ, Արմեն Փափազյանը առաջ է քաշել արժեքի հետ կապված նոր սկզբունք՝ փողի տարածական արժեք (Space Value of Money): «Շատ ուրախ եմ այս նախաձեռնության համար։ Մրցանակաբաշխությունն իրոք եզակի հնարավորություն է՝ տարածական արժեքի օպտիմալացման մոդելը փորձագիտական լսարանին ներկայացնելու համար»,- ասել է գիտնականը։
Finance for the Future մրցանակաբաշխությունն անցկացվում է 2012 թվականից։ Հիմնադիր-կազմակերպիչներն են ICAEW և A4S կազմակերպությունները՝ Deloitte ընկերության հետ համատեղ։
Հաղթողների անունները կհայտարարվեն հոկտեմբերի 13-ին՝ Լոնդոնում տեղի ունենալիք մրցանակաբաշխության արարողության ժամանակ։
Արմեն Փափազյանի հետ հարցազրույցներին կարող եք ծանոթանալ այստեղ և այստեղ:
