Թուրքիայի ռազմաբազաներից մեկի վրա հարձակման հետևանքով 4 զինծառայող է սպանվել
Թուրքիայի Դիարբեքիր նահանգի Լիջե ավանում «Քրդական աշխատավորական» կուսակցության (PKK) զինյալները, որոնք զինված են եղել նռնակներով և խոշոր տրամաչափի գնդացիրներով, հարձակվել են թուրքական բանակի ռազմաբազայի վրա:
Թուրքական «Միլիեթ» թերթի տեղեկություններով` հարձակման հետևանքով 4 թուրք զինծառայող է սպանվել, ևս 8-ը վիրավորվել է:
Նշվում է, որ քուրդ զինյալներին ոչնչացնելու նպատակով օդային օպերացիա է սկսվել:
Այսօր Թուրքիայի Բինգյոլ նահանգում սպանվել է ևս 1 թուրք զինծառայող:
