Ռոնալդոն իր երազանքների թիմում ընդգրկել է նաև իրեն
Բրազիլիայի ֆուտբոլի ազգային հավաքականի նախկին հարձակվող Ռոնալդոն կազմել է իր երազանքների թիմը, որտեղ ընդգրկել է նաև իրեն: Ռոնալդոյի երազանքների թիմի դարպասապահը Իտալիայի ազգային հավաքականի դարպասապահ Ջիանլուիջի Բուֆոնն է:
Պաշտպանությունում Ռոնալդոն ընդգրկել է իր հայրենակիցներ Ռոբերտո Կառլոսին և Կաֆուին, ինչպես նաև Իտալիայի ազգային թիմի նախկին ֆուտբոլիստներ Ֆաբիո Կանավարոյին և Պաուլո Մալդինիին:
Կիսապաշտպանությունում Ռոնալդոյի երազանքների թիմում տեղ են գտել Դիեգո Մարադոնան, Լիոնել Մեսսին, Զինեդին Զիդանը և Անդրեա Պիրլոն: Հարձակման գծում Ռոնալդոն նշել է իր և բրազիլացի լեգենդ Պելեի անունները:
