«Ղարաբաղյան հակամարտությունը կքննարկվի Ադրբեջան-Թուրքիա-Ռուսաստան ձևաչափով». Չավուշօղլու
Լեռնային Ղարաբաղի հակամարտությունը կարող է քննարկվել Ադրբեջան-Թուրքիա-Ռուսաստան եռակողմ մեխանիզմի շրջանակում, հայտարարել է Թուրքիայի արտգործնախարար Մևլյութ Չավուշօղլուն: Այս մասին հայտնում է haqqin.az պորտալը` հղում կատարելով թուրքական ТRT հեռուստաալիքին:
Նրա խոսքով` եռակողմ ձևաչափը ձեռնտու է բոլոր կողմերին:
«Մենք այդ ձևաչափը քննարկել ենք Ադրբեջանում հանդիպումների ընթացքում: Ադրբեջանը դրական է գնահատել Ռուսաստանի հետ եռակողմ մեխանիզմը:
Այդ նախաձեռնությունը հնչեցվել է Թուրքիայի և Ռուսաստանի նախագահների հանդիպման ժամանակ: Ռուսաստանը նույնպես դրական է գնահատել այդ մեխանիզմը:
Մենք կարող ենք համագործակցել քաղաքական, տնտեսական, տրանսպորտային և էներգետիկ ոլորտներում»,- ասել է Չավուշօղլուն:
