Սերժ Սարգսյանն այսօր աշխատանքային այցով կմեկնի Մոսկվա
ՀՀ նախագահ Սերժ Սարգսյանն այսօր աշխատանքային այցով կմեկնի Մոսկվա, որի շրջանակում հանդիպում կունենա ՌԴ նախագահ Վլադիմիր Պուտինի հետ:
Բանակցությունների ժամանակ երկու երկրների նախագահները պատրաստվում են քննարկել հարցերի լայն շրջանակ, կարծիքներ փոխանակել միջազգային և տարածաշրջանային հարցերի վերաբերյալ:
Ինչպես ավելի վաղ հայտնել էին Կրեմլի մամուլի ծառայությունից, Սերժ Սարգսյանը Մոսկվա է ժամանելու Պուտինի հրավերով:
Բարձր մակարդակով բանակցությունների ժամանակ կողմերը պլանավորում են քննարկել համագործակցության կարևոր հարցեր քաղաքականության, առևտրա-տնտեսական, մարդասիրական ոլորտներում, ինչպես նաև քննարկել ինտեգրացիոն գործընթացները եվրասիական տիրույթում:
Վերջին անգամ Պուտին ու Սարգսյանը հանդիպել էին Սանկտ Պետերբուրգում` հունիսյան եռակողմ գագաթաժողովի շրջանակում, որին մասնակցել էր նաև Ադրբեջանի նախագահ Իլհամ Ալիևը:
