Բրոկոլիով ապուր

Բրոկոլին, անկասկած, ամենաօգտակար բանջարեղեններից մեկն է: Այն ունի մի շարք օգտակար հատկանիշներ:

Ինչո՞վ է օգտակար բրոկոլին:

1. Պաշտպանում է սրտանոթային համակարգը. բրոկոլին մեր օրգանիզմի ամենահզոր պաշտպաններից մեկն է, քանի որ այն կանխարգելում է սրտանոթային համակարգի հիվանդությունները: Բացի այդ, բրոկոլին պարունակում է քրոմ, որը կարգավորում է անոթային ճնշումը:
2. Ամրացնում է ոսկորները. բրոկոլին հարուստ է կալցիումով, ֆոսֆորով, մանեզիումով և ցինկով, այդ իսկ պատճառով դրա օգնությամբ կարող եք լրացնել օրգանիզմի հանքանյութերի պաշարը և ամրացնել հենաշարժիչ ապարատը:
3. Բարձրացնում է իմունիտետը. բրոկոլին պարունակում է մեծ քանակությամբ հակաօքսիդանտներ, վիտամին C և անչափ անհրաժեշտ բետա-կարոտին: Այս համադրությունը պաշտպանում է օրգանիզմը, ամրացնում է իմունիտետն ու թույլ է տալիս օրգանիզմին պայքարել քաղցկեղի դեմ:
4. Երկաթի բնական աղբյուր է. եթե գիտեք, թե ինչ է սակավարյունությունը, ապա պետք է բրոկոլին ներառեք ձեր սննդակարգում: Շաբաթական երեք անգամ այս բանջարեղենն օգտագործելով՝ կարող եք լրացնել օրգանիզմում երկաթի պակասն ու ազատվել սակավարյունության նախանշաններից:
5. Կանխարգելում է քաղցկեղի առաջացումը. բազմաթիվ գիտական հետազոտություններ ցույց են տվել, որ բրոկոլին պաշտպանում է օրգանիզմը քաղցկեղային բջիջների զարգացումից: Վիտամին A,-ի C-ի և E-ի, ամինաթթուների, ցինկի և կալիումի շնորհիվ՝ բրոկոլին կանխարգելում է քաղցկեղի զարգացումը:
6. Առողջարար է ուղեղի համար. բրոկոլին պարունակում է վիտամին B6, որը լավացնում է հիշողությունը:

Բրոկոլիով համեղ ապուր պատրաստելու համար ձեզ անհրաժեշտ է.

• 1 բաժակ խաշած բրոկոլի
• 1 բաժակ կաթնաշոռ
• 1 կանաչ պղպեղ
• 1 պճեղ սխտոր
• 1 ճ/գ մանր կտրատած կանաչ սոխ
• Թարմ մաղադանոս
• 2 ճ/գ ձիթապտղի յուղ
• Քրքում
• 1 ճ/գ կիտրոնի հյութ
• Սև պղպեղ և աղ

Իսկ թե ինչպես է պատրաստվում այս համեղ ապուրը, կարող եք դիտել տեսանյութում:

Նյութը հրապարակման պատրաստեց Լիլիթ Հարությունյանը