«Ադրբեջանը պետք է ճանաչի ինքնորոշման իրավունքը և այդ իրավունքի իրացումը ԼՂ ժողովրդի կողմից». ԱԳՆ
ԱԳ նախարարի տեղակալ Շավարշ Քոչարյանի պատասխանը «Արմենպրես» գործակալության հարցին
– Պարո՛ն Քոչարյան, ինչպե՞ս կմեկնաբանեք Ադրբեջանի արտաքին քաղաքական գերատեսչության ղեկավարի՝ ղարաբաղյան հիմնախնդրի կարգավորման խոչընդոտների փուլ առ փուլ վերացման մասին հայտարարությունը:
– Բանակցությունները մշտապես ընթացել և ընթանում են ղարաբաղյան հիմնախնդրի փաթեթային կարգավորման շուրջ՝ ձեռք բերված պայմանավորվածությունների փուլային իրականացմամբ:
Ադրբեջանը պետք է ճանաչի ինքնորոշման իրավունքը և այդ իրավունքի իրացումը Լեռնային Ղարաբաղի ժողովրդի կողմից, և այդպիսով վերացնի կարգավորման ճանապարհին առկա խոչընդոտը:
