Օտարերկրյա ռազմական կցորդները փորձարկել են ՀՀ ԶՈՒ հրաձգային զինատեսակները
ՀՀ-ում հավատարմագրված օտարերկրյա ռազմական կցորդները, 2016թ. աշխատանքային պլանի համաձայն, հունիսի 23-ին այցելել են ՀՀ պաշտպանության նախարարության 5-րդ բանակային կորպուս: ՀՀ պաշտպանության նախարարության տեղեկատվության եւ հասարակայնության հետ կապերի վարչությունից տեղեկացնում են, որ այցելության ընթացքում ռազմական կցորդներին են ներկայացվել որոշ մանրամասներ բանակային կորպուսի կառուցվածքի և գործունեության վերաբերյալ: Նուբարաշեն զորավարժարանում օտարերկրյա ռազմական կցորդներին ցուցադրվել են տարբեր հրաձգային զինատեսակներ և ընձեռվել է դրանք փորձարկելու հնարավորություն:
