Մեծ Բրիտանիայի հանրաքվեի առաջին արդյունքները կհրապարակվեն գիշերը՝ Սանդերլենդում
Մեծ Բրիտանիայի՝ ԵՄ-ի անդամակցության հարցի վերաբերյալ այսօր անցկացվող հանրաքվեի արդյունքների մասին առաջին տեղեկությունները կսկսեն հաղորդվել կեսգիշերն անց՝ Անգլիայի հյուսիսի Թայն և Ուիր կոմսության Սանդերլենդ քաղաքից, հայտնում է TASS-ը:
Ինչպես հայտնել են Միացյալ Թագավորության Ընտրական հանձնաժողովից, ձայների հաշվարկն այնտեղ պետք է ավարտվի հունիսի 24-ին՝ տեղի ժամանակով ﬕնչև ժ. 00:30-ն (Երևանի ժամանակով մինչև ժ. 03:30-ը):
174 հազար բնակչություն ունեցող Սանդերլենդն ավանդաբար առաջինն է հրապարակում Մեծ Բրիտանիայի համընդհանուր հանրաքվեի քվեաթերթիկների արդյունքները:
Այդ քաղաքում ուժեղ դիրքեր են զբաղեցնում Brexit-ի կողմնակիցները (British exit – «բրիտանական դուրս գալ» հապավում) և համաձայն կանխատեսումների՝ այնտեղ հաղթանակելու են եվրասկեպտիկները:
Ինչպես նշում են դիտորդները, եթե Սանդերլենդում հաղթի Brexit տարբերակը, դա լուրջ ազդանշան կլինի, որի համաձայն հնարավոր կլինի կանխատեսումներ անել հանրաքվեի արդյունքների վերաբերյալ:
