«Եվրամիությունից դուրս Մեծ Բրիտանիան նվազ գրավիչ կդառնա բիզնեսի համար». Գեյթս
Եթե Մեծ Բրիտանիան որոշում ընդունի դուրս գալ Եվրամիությունից, ապա նվազ գրավիչ կդառնա ներդրումների եւ բիզնեսի վարման համար: Այս մասին հայտարարել է Microsoft Corp. ամերիկյան կորպորացիայի հիմնադիր Բիլ Գեյթսը:
Times թերթին գրած նամակում Գեյթսը, որն ավելի քան 1 մլրդ դոլար է ներդրել Մեծ Բրիտանիայում, նշում է Լոնդոնի առաջատար դիրքը հետազոտությունների եւ նորարարությունների բնագավառում, բայց դրա հետ մեկտեղ նախազգուշացնում է, որ Brexit-ը մեծապես կնվազեցնի երկրի գրավչությունը:
«Ինձ համար պարզ է, որ եթե Մեծ Բրիտանիան որոշի լինել Եվրամիությունից դուրս, նա զգալիորեն պակաս գրավիչ վայր կդառնա բիզնեսի եւ ներդրումների համար»,- հայտարարել է Գեյթսը:
Նրա կարծիքով՝ այս դեպքում Միացյալ Թագավարության համար ավելի դժվար կլինի լավագույն մասնագետներ գտնել եւ վարձել ամբողջ աշխարհից, որոնք, իրենց հերթին, աշխատատեղեր են ստեղծում թագավորության բնակիչների համար:
Հիշեցնենք, որ ԵՄ-ին Մեծ Բրիտանիայի հետագա անդամակցության հարցի շուրջ հանրաքվեն կկայանա հունիսի 23-ին, հաղորդել է ՌԻԱ Նովոստի գործակալությունը:
