Տնտեսվարող սուբյեկտների մոտ ստուգումներ չեն անցկացվի մինչև դեկտեմբերի 31-ը
Տնտեսվարող սուբյեկտների մոտ ստուգումների իրականացման արգելքի ժամկետը կառավարության այսօրվա որոշմամբ երկարաձգվեց: Այս տարվա հուլիսի 1-ի փոխարեն ժամկետը երկարացվեց մինչև 2016 թվականի դեկտեմբերի 31-ը:
Միաժամանակ նախագծով նախատեսվում է թույլատրել ՀՀ գյուղատնտեսության նախարարության սննդամթերքի անվտանգության պետական ծառայությանը ստուգումների տարեկան ծրագրում ընդգրկված և բարձր ռիսկային խմբում գտնվող սուբյեկտների մոտ համապատասխան ստուգաթերթերի հիման վրա իրականացնել ստուգումներ մի շարք ոլորտներում՝հանրային սննդի կազմակերպում, մսամթերքի, կաթնամթերքի, կրեմային հրուշակեղենի արտադրություն, ոչ կենդանական ծագման մթերքների և խոհարարական արտադրանք, ձկնամթերքի արտադրություն: Որոշման նախագիծը կառավարության նիստի ընթացքում ներկայացրեց կառավարության աշխատակազմի ղեկավար-նախարար Դավիթ Հարությունյանը:
