Կրիշտիանու Ռոնալդուն երկրպագուների վարկածով Եվրո-ի բոլոր ժամանակների խորհրդանշական հավաքականում է

Ընտրությունների արդյունքները հրապարակվել են Փարիզում տեղի ունեցած հանդիսավոր արարողության ժամանակ:

ՈւԵՖԱ-ն՝ Փարիզի քաղաքապետարանի և La Place հիփ-հոփ կենտրոնի հետ միասին, հրապարակել է խորհրդանշական հավաքականի կազմը: Ինչպես հաղորդում է ՈւԵՖԱ-ի պաշտոնական կայքը, միջազգային համբավ ունեցող գրաֆիթիի 11 վարպետներ նկարել են մեկական ֆուտբոլիստի դիմանկար:

Խորհրդանշական հավաքականի կազմը

Դարպասապահ. Ջանլուիջի Բուֆոն (Իտալիա):

Պաշտպաններ. Պաոլո Մալդինի (Իտալիա), Ֆրանց Բեկենբաուեր (Գերմանիա), Կարլես Պույոլ (Իսպանիա), Ֆիլիպ Լամ (Գերմանիա):

Կիսապաշտպաններ. Զինեդին Զիդան (Ֆրանսիա), Անդրեա Պիռլո (Իտալիա), Անդրես Ինիեստա (Իսպանիա):

Հարձակվողներ. Կրիշտիանու Ռոնալդու (Պորտուգալիա), Թիերի Անրի (Ֆրանսիա), Մարկո Վան Բաստեն (Հոլանդիա):

Հավաքականի կազմը որոշվել է EURO2016.com-ում և մրցաշարի թվիթերյան էջում կատարած քվեարկության արդյունքում:

Պատրաստեց Անի Գաբուզյանը