Մենդելեևի պարբերական աղյուսակում 118-րդ տարրը կկրի մեծանուն հայ գիտնական Յուրի Օգանեսյանի անունը

Նոյեմբերից Մենդելեևի պարբերական աղյուսակում 118-րդ տարրը կկրի մեծանուն հայ գիտնական Յուրի Օգանեսյանի անունը (118 – Og (Oganesson)):

IUPAC-ը ներկայացրել է Մենդելեևի պարբերական աղյուսակի 113, 115, 117 և 118 չորս նոր քիմիական տարրերի անվանումները: Վերը նշված տարրերի հայտնաբերողները առաջարկել են տարրերի անունները և ներկայացրել հանրության դատին: Այսպիսով, 113 տարը կոչվում է նիհոնիում (Nihonium), 115-ը՝ մոսկովիում (Moscovium)՝ Մոսկվայի շրջանի պատվին, 117-ը՝ թեննեսին (Tennessine), 118-ը օգանեսոն (Oganesson)՝ ի պատիվ հայազգի գիտնական Յուրի Հովհաննիսյանի:

113-րդ տարին անվանում տվել են ճապոնացիները, մնացած երեքին՝ ռուսական և արտասահմանյան գիտնականների խումբը: Անվանումների հանրային քննարկամումը կավարտվի 2016 թվականի նոյեմբերի 8-ին՝ մինչև անվանումների պաշտոնական գրանցումը:

Բոլոր տարրերի անվանումների վերջավորությունները պահպանում և արտացոլում են պատմական ու քիմիական համակազմվածքը: «ium»-ը այն տարրերի համար է, որոնք պատկանում են 1-16 խմբերին, «ine»-ն՝ 17-րդ և «on»-ը 18-րդ խմբի համար: Եվ ի վերջո, նոր քիմիական տարրերի անգլերեն անունները պետք է մյուս լեզուներով պատշաճ թարգմանության հնարավորություն տան:

Յուրի Հովհաննիսյանը ֆիզիկոս է, ֆիզմաթ գիտությունների դոկտոր, պրոֆեսոր, ՌԳԱ ակադեմիկոս։ Նրա աշխատանքները հիմնականում փորձարարական միջուկային ֆիզիկայից են, նաև՝ գերծանր քիմիական տարրերի սինթեզումից։