Բանանի թեյը՝ անքնության դեմ
Եթե կյանքում գեթ մեկ անգամ անքնություն եք ունեցել, ապա վստահաբար գիտեք, թե որքան դաժան զգացողություն է դա, երբ անընդհատ պտտվում եք անկողնում և ձեր տեղը չեք գտնում: Անքնությունը կարող է առաջանալ տարբեր պատճառներով: Հոգնածություն, սթրես, լարվածություն:
Անքնություն կարող են առաջացնել նաև որոշակի դեղահաբեր: Օրինակ, ցավազրկողները, անտիհիստամինները, սրտի և արյան ճնշման դեղամիջոցներն անքնության հիմնական պատճառներն են:
supertastyrecipes կայքն առաջարկում է բնական մի ըմպելիք, որը կօգնի ազատվել անքնությունից:
Բանանի թեյ
Բանանի թեյը ոչ միայն համեղ է, այլև չափազանց արդյունավետ միջոց է անքնության դեմ պայքարելու հարցում: Բանանը, հատկապես՝ կեղևը, պարունակում է մագնեզիում և կալիում: Մագնեզիումն օգնում է կանխարգելել քնի խանգարումները, իսկ կալիումի հետ համադրած՝ այն հանգստացնում է մկանները: Իրականում մագնեզիումը հանգստացնող ամենահզոր հանքանյութն է:
Բաղադրություն
- 1 բանան
- փոքրիկ կաթսայով ջուր
- մի պտղունց դարչին
Բանանի երկու ծայրերը կտրեք և դրեք եռացող ջրի մեջ: Ամբողջը եռացրեք 10 րոպե, ապա ջուրը քամեք: Թեյին ավելացրեք դարչինը: Քնելուց 1 ժամ առաջ խմեք այս թեյը:
Նյութը հրապարակման պատրաստեց Լիլիթ Հարությունյանը
Ծանուցում. Սիրելի ընթերցող, մի մոռացիր, որ յուրաքանչյուր օրգանիզմ յուրովի կարող արձագանքել այս կամ այն դեղամիջոցին: Ինչը օգտակար է մեկին, կարող է հակացուցված լինել մյուսին: Այդ պատճառով մինչ դրանք գործածելը, ճիշտ կլինի խորհրդակցել բժշկի հետ:
