Յուրի Խաչատուրովին վիրահատել են. նա կենտրոնական հոսպիտալում է
Հայաստանի Հանրապետության զինված ուժերի գլխավոր շտաբի պետ, գեներալ-գնդապետ Յուրի Խաչատուրովին վիրահատել են: Ինչպես հաղորդում է «Արմենպրես»-ը, նրան վիրահատության են ենթարկել ՀՀ ՊՆ Կենտրոնական կլինիկական զինվորական հոսպիտալում:
«Արմենպրես»-ի հետ զրույցում ՀՀ ՊՆ Կենտրոնական զինվորական հոսպիտալի փոխտնօրեն Արտաշես Խաչատրյանը հաստատեց տեղեկությունը, սակայն այլ մանրամասներ հրաժարվեց փոխանցել: Նա միայն նշեց, որ Յուրի Խաչատուրովի վիճակը գնահատվում է բավարար:
