Գարեգին Մելքոնյանը հանդիպել է Չեխիայի արդյունաբերության և առևտրի նախարարին
Ապրիլի 28-ին Պրահայում ՀՀ էկոնոմիկայի նախարարի առաջին տեղակալ Գարեգին Մելքոնյանը հանդիպում է ունեցել Չեխիայի արդյունաբերության և առևտրի նախարար Յան Մլադեկի հետ:
Հանդիպմանը մասնակցել են Չեխիայում ՀՀ արտակարգ և լիազոր դեսպան Տիգրան Սեյրանյանը, ՀՀ Չափագիտության ազգային ինստիտուտի գլխավոր տնօրեն Երեմ Չախոյանը:
Հանդիպման ընթացքում քննարկվել են հայ-չեխական տնտեսական համագործակցության հարցերով միջկառավարական հանձնաժողովի երկրորդ նիստի և հայ-չեխական գործարար համաժողովի արդյունքները:
Զրուցակիցները քննարկել են նաև տնտեսության տարբեր բնագավառներում համագործակցության զարգացման հեռանկարներն ու համագործակցության խթանման հնարավորությունները:
Կողմերը ևս մեկ անգամ վերահաստատել են բոլոր ուղղություններով հայ-չեխական համագործակցության խորացման պատրաստակամությունն ու հանձնառությունը:
