Ադրբեջանի ԱԳՆ-ն հայտնել է, թե ինչ պայմանների դեպքում կլուծվի Լեռնային Ղարաբաղի հակամարտությունը
Լեռնային Ղարաբաղի հակամարտության կարգավորումը հնարավոր է միայն Ադրբեջանի ինքնիշխանության ու տարածքային ամբողջականության շրջանակներում:
Այդ համատեքստում Ադրբեջանը հավատարիմ է հակամարտության խաղաղ կարգավորմանը: Այս մասին, ինչպես հայտնում է RIA Novosti-ն, Պեկինում՝ Ասիայում Վստահության միջոցների ու փոխգործակցության համաժողովի ժամանակ, հայտարարել է Ադրբեջանի փոխարտգործնախարար Խալաֆ Խալաֆովը:
«Չափազանց կարևոր է, որ միջազգային հանրությունը պահանջի, որ խստորեն իրականացվեն միջազգային իրավունքի և ՄԱԿ-ի Անվտանգության խորհրդի համապատասխան բանաձևերը»,- հավելել է Խալաֆովը:
Նրա խոսքով՝ ղարաբաղյան հակամարտությունը սպառնալիք է միջազգային խաղաղության ու անվտանգության համար:
