Ջորջ Քլունին այցելել է Երևանի կոնյակի գործարան և «Թումո» կենտրոն
«Ավրորա» մարդասիրական մրցանակի ժյուրիի համանախագահ Ջորջ Քլունին ապրիլի 22-ին երեկոյան այցելել է Երևանի կոնյակի գործարան, այնուհետև՝ «Թումո» ստեղծարար տեխնոլոգիաների կենտրոն: Երևանի կոնյակի գործարանում հայտնի դերասանը 100LIVES նախաձեռնության համահիմնադիր, գործարար Ռուբեն Վարդանյանի ուղեկցությամբ ծանոթացել է «Արարատ» թանգարանի ժառանգությանը:
Թանգարանի այցելուները հատկապես տպավորվել են Երևանի կոնյակի գործարանի կուպաժի վարպետ Մարգար Սեդրակյանի ոպատմությամբ: Նա այն անձանցից է, ով փրկվել է 1915 թվականի Ցեղասպանությունից և, չնայած վերապրած ողբերգությանը, կարողացել է կյանքում և ստեղծագործական աշխատանքում առավելագույն բարձունքների հասնելու ուժ գտնել:
«Մեզ համար մեծ պատիվ է Երևանի կոնյակի գործարանում՝ վերածննդի ու նոր կյանքի հավերժ խորհրդանիշ Արարատի հայացքի ներքո ողջունել Aurora Prize-ի համահիմնադիրներին ու հյուրերին»,- նշել է Երևանի կոնյակի գործարանի գործադիր տնօրեն Իգոր Առաքելյանը:
Այնուհետև Ջորջ Քլունին այցելել է «Թումո» կենտրոն: Ջորջ Քլունին Ռուբեն Վարդանյանի և «Թումո» կենտրոնի հիմնադիրներ Սեմ և Սիլվա Սիմոնյանների հետ շրջել էկենտրոնով, լսել պատանիների երաժշտական կատարումները և լուսանկարվել ուսանողների հետ:
Լուսանկարները՝ «Երևանի կոնյակի գործարանի» և «Թումո» կենտրոնի
