«Բարսելոնան» հետաքրքրվում է «Բորուսիայի» պաշտպան Հումելսով
Ինչպես հաղորդում է Bild պարբերականը, «Բարսելոնայի» գլխավոր մարզիչ Լուիս Էնրիկեն հետաքրքրված է Դորտմունդի «Բորուսիայի» պաշտպան Մաթս Հումելսի ծառայություններով:
Համաձայն աղբյուրի տեղեկության՝ կատալոնական ակումբի տրանսֆերային կոմիտեի անդամ Արիեդո Բրայդան արդեն մի քանի անգամ ներկա է գտնվել «Բորուսիայի» մասնակցությամբ խաղերին` Գերմանիայի հավաքականի ֆուտբոլիստի գործողություններին հետևելու համար: Իհարկե, Բրայդան ի սկզբանե հետաքրքրվում էր դորտմունդցիների հարձակվող Պիեր Էմերիկ Օբամեյանգով, սակայն նրա ուշադրությունը գրավել է նաև Մաթս Հումելսը:
Հումելսի գործող պայմանագիրը «Բորուսիայի» հետ նախատեսված է մինչև 2017թ. ամառը, և ակումբը ցանկանում է երկարաձգել այն: Սակայն ֆուտբոլիստն ինքը դեռ վերջնականապես չի կողմնորոշվել իր պլաններում:
Պատրաստեց Անի Գաբուզյանը
