ԻՀԿ-ն ստեղծել է ԼՂ հակամարտության կարգավորման հարցով կոնտակտային խումբ՝ ԱԳՆ ղեկավարների մակարդակով
Իսլամական համագործակցություն կազմակերպությունը (ԻՀԿ) ուրբաթ որոշում է կայացրել Լեռնային Ղարաբաղի հակամարտության կարգավորման հարցով ստեղծել կոնտակտային խումբ՝ ԱԳՆ ղեկավարների մակարդակով։ Այս մասին հայտնում է TASS-ը՝ հղում կատարելով Ստամբուլում ԻՀԿ-ի գագաթաժողովի ավարտին ընդունված ամփոփիչ հռչակագրին:
«ԻՀԿ-ն կոչ է անում հստակորեն կատարել ՄԱԿ-ի բանաձևերն ու Հայաստանի զորքերն ամբողջովին, անհապաղ ու անխոս դուրս բերել Լեռնային Ղարաբաղի տարածքից»։
Կազմակերպությունը հաստատում է իր «աջակցությունն Ադրբեջանին ու նրա ջանքերին, որոնք ուղղված են ՄԱԿ-ի Գլխավոր ասամբլեայի որոշումների շրջանակում իր տարածքային ամբողջականությունն ու ինքնիշխանությունը վերականգնելուն»։
Կոնտակտային խմբի ստեղծման նախաձեռնողն է Թուրքիայի արտգործնախարար Մևլյութ Չավուշօղլուն:
