Մեր մանդատը չի ներառում որոշել, թե ով է սկսել լարվածությունը Ղարաբաղում. ֆրանսիացի համանախագահ
«Շարունակելու ենք աշխատել վստահության մեխանիզմների ներդրման ուղղությամբ»,- այս մասին այսօր Երևանում լրագրողների հետ զրույցում տեղեկացրեց ԵԱՀԿ ՄԽ ֆրանսիացի համանախագահ Պիեռ Անդիոն:
Հարցին, թե արձանագրե՞լ են արդյոք ապացույցներ, թե որ կողմն է սկսել պատերազմը և արդյոք չեն կարծում, որ այսքան արյունահեղությունից հետո անհնար է բանակցել առանց վստահության ամրապնդման՝ հետաքննությունների մեխանիզմի ներդրման, նա պատասխանեց, որ կարող է կրկնել, որ իրենց մանդատի չի ներառում որոշել, թե ով է սկսել լարվածությունը, իրենք դրանով չեն զբաղվում:
«Մեր համար գլխավորը հրադադարը երկար շարունակվի և սկսվեն քաղաքական բանակցություններ: Մեխանիզմների վերաբերյալ, կրկնեմ, որ մեր աշխատանքն այս ուղղությամբ ևս շարունակվելու է»,- ասաց ֆրանսիացի դեսպանը:
