Ուկրաինայի հայերի միությունն իր զորակցությունն է հայտնել Հայաստանին
Ղարաբաղա-ադրբեջանական շփման գծում Ադրբեջանի սանձազերծած ռազմական գործողությունների առնչությամբ Ուկրաինայի հայերի միությունն իր աջակցությունն է հայտնել հայրենակիցներին: Այս մասին հայտարարություն է տարածել Ուկրաինայի հայերի միությունը:
«Մենք խորապես անհանգստացած ենք Լեռնային Ղարաբաղի շփման գծում զինված բախումների և իրենց տունը պաշտպանող մեր հայրենակիցների զոհվելու մասին տեղեկություններով: Մեզ համար ամեն կորուստ անփոխարինելի է: Համոզված ենք, որ այսօր երկրագնդի բոլոր անկյուններում գտնվող հայերը միասնական են մեր հայրենիքի շահերի պաշտպանության հարցում: Հայաստան, մենք քեզ հետ ենք»,- ասվում է նրանց ֆեյսբուքյան էջում հրապարակված հայտարարության մեջ:
