Կարա Դելևինը նկարահանվել է YSL-ի համարձակ ֆոտոսեսիայում
![](https://168.am/wp-content/uploads/2016/04/1787260.jpg)
Մոդել Կարա Դելևինը դարձել է Yves Saint Laurent-ի հագուստի աշուն-ձմեռ La Collection de Paris հավաքածուի դեմքը: Մանեքենուհու նոր ֆոտոսեսիայի լուսանկարները հրապարակվել են նրա Instagram-ի էջում:
Ֆոտոսեսիան արվել է սև-սպիտակ երանգների մեջ՝ 80-ականների glam-rock ոճում: Լուսանկարներում մոդելը պատկերված է փայլուն, սև կաշվից, մորթուց զգեստներով և սմոքինգով:
Հայտնի է, որ նորաձևության տան հետ համագործակցելու առաջարկը Կարային արել է նրա կրեատիվ տնօրեն Էդի Սլիմանը:
Դրանից մի քանի շաբաթ առաջ Դելևինը սենսացիոն հայտարարություն էր արել, որ լքում է մոդելային բիզնեսը՝ հանուն դերասանական կարիերայի, սակայն նախօրեին Twitter-ում հայտարարել է, թե «ոչ մի տեղ էլ չի գնացել»: