ԵԽԽՎ նախագահը ԼՂ հակամարտության կողմերին կոչ է արել վերսկսել բանակցությունները

Եվրոպայի խորհրդարանական վեհաժողովի նախագահ Պեդրո Ագրամունտը գրառում է կատարել Twitter-ի իր միկրոբլոգում՝ Լեռնային Ղարաբաղի հակամարտության կողմերին կոչ անելով պահպանել զինադադարն ու վերսկսել բանակցությունները:

Ագրամունտն իր խորը մտահոգություն է հայտնել Լեռնային Ղարաբաղի հակամարտության գոտում բռնությունների աճի կապակցությամբ:

«Կոչ եմ անում կողմերին հետևել զինադադարի ռեժիմի ու վերսկսել բանակցությունները»,- գրել է Ագրամունտը: