Հռոմի պապը դատապարտել է Եվրոպայի վերաբերմունքը ներգաղթյալների խնդրի նկատմամբ
Հռոմի պապ Ֆրանցիսկոսը Հռոմի Սուրբ Պետրոսի տաճարում Ավագ ուրբաթին աղոթելիս դատապարտել է Եվրոպայի վերաբերմունքը ներգաղթյալների խնդրի նկատմամբ՝ այն անվանելով ցավի նկատմամբ անտարբեր, հայտնում է RIA Novosti-ն:
«Միջերկրական ու Էգեյան ծովերը դարձել են անհագ գերեզմաններ, մեր անտարբերության ու ցավին անզգա խղճի արտացոլումը»,- ասել է Հռոմի պապը այն հազարավոր մարդկանց մասին, որոնք նավակներով լողում են դեպի Հունաստանի ու Եվրոպայի այլ երկրների ափերը:
Տարբեր տվյալների համաձայն՝ 2015թ. Սիրիայից ու այլ երկրներից ավելի քան 847 հազար փախստական է ժամանել Հունաստան ծովով, ավելի քան 800-ը խորտակվել է Էգեյան ծովում: 2016-ի սկզբից Էգեյան ծովում՝ դեպի Հունաստան ճանապարհին խեղդվել է 183 մարդ:
