«Կարևոր էր հաղթել «Վերդերին»` «Մայնցից» կրած պարտությունից հետո». Պեպ Գվարդիոլա
«Բավարիայի» գլխավոր մարզիչ Պեպ Գվարդիոլան մեկնաբանել է Գերմանիայի առաջնությունում «Վերդերի» դեմ անցկացրած խաղի արդյունքը (5:0):
«Մենք լավ խաղ անցկացրեցինք, ինձ համար դա ամենագլխավորն է, քանի որ ես ոչ միայն մարզիչն եմ, այլ նաև իմ թիմի երկրպագուն: Համեմատած վերջին հանդիպման հետ, մենք ավելի լավ էինք կազմակերպել դիրքային խաղը և մրցակցին հակահարձակման հնարավորություն չէինք տալիս: «Մայնցից» կրած պարտությունից հետո այսօր կարևոր էր հաղթելը: Շատ շնորհակալ եմ դրա համար իմ ֆուտբոլիստներին:
Մինչև «Յուվենթուսի» հետ պատասխան խաղը մենք 4 օր ունենք: Քառորդ եզրափակիչ անցնելու համար մեզ անհրաժեշտ է երկրպագուների աջակցությունը` առաջինից մինչև վերջին րոպեն»,- ասելէ Գվարդիոլան:
Պատրաստեց Անի Գաբուզյանը
