«Հուսով եմ, որ Մանուել Նոյերը կմնա «Բավարիայում» մինչև կարիերայի ավարտը». Պեպ Գվարդիոլա

«Մանչեսթեր Սիթիի» ապագա մարզիչը հերքում է, որ ցանկանում է իր հետ տանել Գերմանիայի հավաքականի հիմնական դարպասապահին:

Գվարդիոլան համառորեն պնդում է, որ Նոյերը Մյունխենի սեփականությունն է:

«Եթե նա ցանկանա, ապա կարող է լինել «Բավարիայի» դարպասապահը մոտակա 5, 6, 7, 8 կամ 9 մրցաշրջաններում: Հուսով եմ, նա կավարտի կարիերան այստեղ»,- Գվարդիոլայի խոսքերն է մեջբերում Goal.com-ը:

Ավելի վաղ Daily Mirror պարբերականում ինֆորմացիա էր ի հայտ եկել, որ Պեպ Գվարդիոլան ցանկանում է Մանուել Նոյերին տեսնել «Մանչեսթեր Սիթիի» կազմում, քանի որ կասկածում է Ջո Հարթի ընդունակությունների վրա:

Մանուել Նոյերը «Շալկե-04»-ից «Բավարիա» է տեղափոխվել 2011թ.՝ 30 մլն եվրոյով:

Պատրաստեց Անի Գաբուզյանը