Հայտնաբերվել է ժայռերի վրա աճող խոլորձի նոր տեսակ
Հետազոտողները հրապարակել են ավելի վաղ գիտությանն անհայտ խոլորձի նկարագրությունը, որը հայտնաբերվել է Մեքսիկայի տարածքում, հայտնում է PhytoKeys-ը:
Բույսի բարձրությունը 30-42 սմ է, ծաղկած բույսինը՝ 80-90 սմ: Յուրաքանչյուր ցողունի վրա առաջանում է 3-8 ծաղիկ, բույսը ծաղկում է մարտից հուլիս ընկած ժամանակահատվածում: Ծաղիկներն ունեն մեծ, դեղին ծաղկաթերթիկներ: Խոլորձն ստացել է Encyclia inopinata անվանումը:
Գիտնականները պնդում են, որ ծաղիկն աճում է անտառներում, ժայռերի վրա:
Ենթադրվում է, որ բույսը չափազանց հազվադեպ է հանդիպում:
