Բաքվի խանութներից ալկոհոլն անհետացել է. վաճառքն այսուհետ՝ միայն կրեդիտ քարտերով
Բաքվի առևտրային ցանցերից անհետացել են սպիրտային խմիչքները: Պատճառն Ադրբեջանի կառավարության նոր որոշումն է, որի համաձայն՝ այսուհետ սպիրտային խմիչքները վաճառվելու են միայն կրեդիտ քարտերի միջոցով, հայտնում է contact.az-ը:
Հիշեցնենք, որ 2015թ. դեկտեմբերին Ադրբեջանի նախագահ Իլհամ Ալիևը հաստատեց ակցիզային ապրանքների վաճառքի կանոնները Ադրբեջանի տարածքում, որը տարածվում էր սպիրտային խմիչքների, ներառյալ՝ գարեջրի ու ծխախոտային արտադրատեսակների վրա:
Այսուհետ դրանք անհնար կլինի մեծածախ կամ մանրածախ վաճառքի կետերից գնել կանխիկ եղանակով, այսինքն՝ ադրբեջանցիները հունվարի 1-ից ալկոհոլի համար պետք է վճարեն կրեդիտ քարտերով:
Սակայն որոշումն ուժի մեջ մտնելուց 10 օր անց ալկոհոլը խանութներից անհետացել է: Այն հնարավոր չէ գնել նաև քարտերով:
Հայտնի չէ, թե երբ կվերսկսի ալկոհոլային խմիչքների վաճառքը խանութներում:
