Սերգեյ Շոյգուն հանդիպել է Հայաստանի ու Ադրբեջանի պաշտպանության նախարարների հետ
Ադրբեջանի պաշտպանության նախարար Զաքիր Հասանովը հանդիպել է Ռուսաստանի պաշտպանության նախարար Սերգեյ Շոյգուի հետ:
Հանդիպումը կայացել է դեմ առ դեմ ձևաչափով, հայտնում է haqqin.az-ը՝ հղում կատարելով Ադրբեջանի պաշտպանության նախարարությանը:
Հանդիպման ընթացքում ստորագրվել է Ադրբեջանի ու Ռուսաստանի ռազմական գերատեսչությունների միջև 2016թ. համագործակցության պլան:
ՌԴ նախարարը նաև երկկողմ հանդիպումներ է ունեցել ԱՊՀ անդամ երկրների պաշտպանության նախարարների հետ: Այսպես, ՀՀ պաշտպանության նախարար Սեյրան Օհանյանի հետ հանդիպմանը քննարկվել են Հայաստանում ռուսական ռազմաբազայի ուժեղացման ու հայկական բանակին տեխնիկական օգնության տրամադրման հարցեր:
