Բնական ճանապարհով սպիտակեցրեք ատամները
Խնձորի քացախը և ժողովրդական բժշկության, և կոսմետոլոգիայի մեջ, և խոհանոցում օգտագործվել է դեռևս հարյուրավոր տարիներ առաջ: Մեր նախնիներին հայտնի էին երիտասարդության, առողջության և գեղեցկության գրեթե բոլոր գաղտնիքները:
Այսօր խոսելու ենք խնձորի քացախի միջոցով ատամների սպիտակեցման մասին: Այս միջոցը, ըստ healthyfoodteam.com-ի, հիմնականում օգտագործվում է ժողովրդական բժշկության մեջ:
Խնձորի քացախը հարուստ է վիտամիններով, պեկտինով և անհրաժեշտ հանքանյութերով:
Ինչո՞ւ է խնձորի քացախն այդքան օգտակար ատամների համար:
Նախ՝ խնձորի քացախը հզոր մաքրող միջոց է, որն օգնում է պահպանել թթվային pH բալանսը: Այն շատ արդյունավետ կերպով վերացնում է ատամների դեղին գծերն ու բուժում է լնդերը, վերացնում է բերանի խոռոչի բակտերիաները:
Ինչպե՞ս սպիտակեցնել ատամները՝ խնձորի քացախի միջոցով
Կես թեյի գդալ խնձորի քացախը լուծեք 1 բաժակ ջրի մեջ: Ողողեք բերանն առավոտյան, ապա սովորականի պես լվացեք ատամները: Այս գործողությունը պետք է կատարել կանոնավոր կերպով: Սա ոչ միայն սպիտակեցնում է ատամները, այլև մաքրում է ատամների դեղին բծերը:
Նյութը հրապարակման պատրաստեց Լիլիթ Հարությունյանը
