«Շիրակ» թիմի մարզիչը պատժվել է մրցավարներին հայհոյելու համար
ՀՖՖ կարգապահական կոմիտեի նիստում քննարկվել է «Շիրակ» թիմի մարզիչ Արարատ Հարությունյանի հարցը, ով, մտնելով մրցավարական սենյակ, մրցավարներին հայհոյել էր: ՀՖՖ կարգապահական խորհուրդը որոշել է ՀՖՖ-ի կարգապահական կանոնակարգի 15-րդ հոդվածի 16-րդ կետի համաձայն` «Շիրակ» թիմի մարզիչ Արարատ Հարությունյանին զրկել իր ծառայողական պարտականությունները կատարելու իրավունքից 5 խաղով, իսկ «Շիրակ» ֆուտբոլային ակումբին տուգանել 100.000 դրամով:
