ԶԼՄ-ները հայտնում են աղետի ենթարկված ռուսական ինքնաթիռի բեկորների հայտնաբերման մասին
Ռուսական RIA Novosti գործակալությունը, հղում կատարելով youm7.com պորտալին, հայտնում է, որ այսօր Սինայի թերակղզու կենտրոնում հայտնաբերվել են ռուսական քաղաքացիական ինքնաթիռի բեկորները:
Հաղորդվում է, որ եգիպտական անվտանգության ուժերը շրջապատել են ինքնաթիռի կործանման վայրը, Էլ-Արիշ քաղաքից Սինայի թերակղզու հյուսիս են ուղևորվել շտապօգնության մոտ 20 մեքենաներ՝ աղետի զոհերին տարհանելու համար:
Ավելի վաղ «Ռոսավիացիան» հայտնել էր RIA Novosti-ին, թե «Կոգալիմավիա» ավիաընկերությանը պատկանող Airbus-321 ինքնաթիռը, որն իրանացնում էր չվերթ Եգիպտոսի զբոսաշրջային Շարմ-էլ- Շեյխ քաղաքից դեպի Սանկտ Պետերբուրգ, այսօր առավոտյան՝ Մոսկվայի ժամանակով ժ. 6.21-ին, անհետացել է ռադարներից թռիչքից 23 րոպե անց:
Ինքնաթիռում գտնվել է 217 ուղևոր ու անձնակազմի 7 անդամները:
Եգիպտական «Մասրավի» ինտերնետ-պորտալը, հղում կատարելով ռազմական աղբյուրներին, հայտնել է, որ Եգիպտոսի ռազմական ավիացիան ձեռնամուխ էր եղել ռուսական ինքնաթիռի որոնման աշխատանքներին:
Հիշեցնենք, որ Եգիպտոսի դեսպանության հյուպատոսական բաժանմունքը ստուգում է ռուսական ինքնաթիռի մասին տեղեկությունը:
