Եգիպտոսում ռուսական ուղևորատար ինքնաթիռ է կործանվել. ԶԼՄ-ներ
Sky News Arabia հեռուստաալիքը, հղում կատարելով իր աղբյուրի տեղեկություններին, հայտնել է այն մասին, որ Եգիպտոսում, ենթադրաբար, կործանվել է ռուսական ուղևորատար ինքնաթիռ: Հաղորդվում է, որ ինքնաթիռում եղել է 212 մարդ, մեծ մասը՝ Ռուսաստանի քաղաքացիներ:
Ինքնաթիռն այսօր առավոտյան դուրս էր եկել զբոսաշրջային Շարմ-էլ- Շեյխ քաղաքից: Հեռուստաալիքի տեղեկություններով՝ ինքնաթիռը ռադարների էկրաններից անհետացել է Կիպրոսի Լառնակայի շրջանում:
Ավելի վաղ հաղորդվել էր, թե ինքնաթիռը աղետի է ենթարկվել Եգիպտոսի Սինայի թերակղզու կենտրոնական մասում:
Եգիպտոսի դեսպանության հյուպատոսական բաժանմունքը ստուգում է ռուսական ինքնաթիռի մասին տեղեկությունը:
