«Ես լավ շանսեր ունեմ ՖԻՖԱ-ի նախագահ դառնալու համար». Միշել Պլատինի
ՈւԵՖԱ-ի նախագահ Միշել Պլատինին, ով հայտ է ներկայացրել ՖԻՖԱ-ի նախագահի ընտրություններին մասնակցելու համար, հայտարարել է, որ վճռական է տրամադրված քվեարկությունում հաղթելու համար, որը տեղի կունենա 2016թ. փետրվարի 26-ին:
«Ես լավ շանսեր ունեմ ՖԻՖԱ-ի նախագահ դառնալու համար: Միայն ես ունեմ այդքան լայն պատկերացում ֆուտբոլի մասին: Ես եղել եմ ֆուտբոլիստ, Ֆրանսիայի հավաքականի մարզիչ, աշխարհի առաջնության կազմակերպիչ, իսկ այժմ գլխավորում եմ ամենաազդեցիկ ֆուտբոլային կոնֆեդերացիան: Թերևս, մյուսների համեմատ՝ ամենաշատը ես եմ համապատասխանում համաշխարհային ֆուտբոլի ղեկավարի պաշտոնին»,- Պլատինիին է ցիտում Le Matin-ը:
Պատրաստեց Անի Գաբուզյանը
