«Մեզ պետք չէ ֆուտբոլիստների վրա կախարդական փոշի շաղ տալ». Յուրգեն Կլոպ
«Լիվերպուլի» գլխավոր մարզիչ Յուրգեն Կլոպը կիսվել է թիմի, ինչպես նաև՝ առանձին ֆուտբոլիստների ընդունակությունների մասին կարծիքով:
«Մեզ պետք չէ ֆուտբոլիստների վրա կախարդական փոշի շաղ տալ և ասել. «Հիմա Դուք կարող եք ֆուտբոլ խաղալ»:
Նրանք գիտեն՝ ինչպես խաղալ: Մենք ուղղակի պետք է իրավիճակներ ստեղծենք, որտեղ հնարավոր լինի դա ցույց տալ:
Դուք մտածում եք, որ ես պետք է տակտիկական պահե՞ր սովորեցնեմ թիմին: Նրանք ամեն ինչ գիտեն: Մենք միասին պետք է օգնենք նրանց ցուցադրել դա:
Ես վստահ չեմ, թե Ադամ Լալանայի քանի նման խաղ եք տեսել: Ես նրան գիտեմ «Սաութհեմփթոնից»: Նա կարող է 20-30 տոկոսով ավելի լավ խաղալ:
Ձեզ չի՞ թվում, որ Կոուտինիոն կարող է ավելի լավ խաղալ ֆուտբոլ, քան «Տոտենհեմի» հետ խաղում: Իհա՛րկե նա կարող է: Լուկասը կարող է խաղալ և ձախից, և աջից: Ջանը կարող է աշխատել և փոխանցել:
Միլները կատարյալ ֆուտբոլիստ է, իսկական պրոֆեսիոնալ»,- ասել է Կլոպը:
Պատրաստեց Անի Գաբուզյանը
